ఎంఎస్. రాజు ‘7 డేస్ 6 నైట్స్’ ఫస్ట్ లుక్..!

0
21
7Days 6Nights Movie first look poster out

7Days 6Nights Movie: టాలీవుడ్ లో వన్ ఆఫ్ ది సక్సెస్ ఫుల్ ప్రొడ్యూసర్ల లిస్టులో టాప్ ప్లేస్ లో ఉంటారు ఎమ్మెస్‌ రాజు. ఆయన ‘డర్టీ హరి’ సినిమాతో డైరెక్టర్ గా మారిన సంగతి తెలిసిందే. ఈ మూవీ బాక్సాపీస్ వద్ద మంచి సక్సెస్ అందుకుంది. ఈ క్రమంలో ఇప్పుడు ”7 డేస్ 6 నైట్స్” అనే న్యూ ఏజ్ ఎంటర్టైనర్ తో వస్తున్నారు ఎంఎస్ రాజు. సుమంత్ ఆర్ట్ ప్రొడక్షన్ సమర్పణలో వైల్డ్ హనీ ప్రొడక్షన్స్ బ్యానర్ లో సుమంత్ అశ్విన్ – ఎస్. రజనీకాంత్ సంయుక్తంగా ఈ చిత్రాన్ని నిర్మిస్తున్నారు.

‘7 డేస్ 6 నైట్స్’ సినిమా ప్రారంభంలో తనయుడిని నిర్మాతగా మాత్రమే ప్రకటించిన ఎం.ఎస్. రాజు.. లేటెస్ట్ గా ఓ పోస్టర్ రిలీజ్ చేసి ఇందులో సమంత్ అశ్విన్ హీరోగా నటిస్తున్నాడనే విషయాన్ని స్పష్టం చేశారు. సుమంత్ అశ్విన్ సరసన మెహర్ చావల్ అనే కొత్తమ్మాయి హీరోయిన్ గా నటిస్తోంది.

ఈ సందర్భంగా ఎమ్మెస్ రాజు మాట్లాడుతూ..డర్టీ హరి సక్సెస్ తర్వాత ఆడియెన్స్ అదే జోనర్ లో మరో సినిమా చేయాలనుకున్నారు. కానీ ఈ చిత్రం పూర్తిగా కొత్త పంథాలో సాగుతుంది. మా బ్యానర్ టాలెంట్ కలిగిన కొత్త నటీనటులను ఇండస్ట్రీకి ఇంట్రడ్యూస్ చేస్తూ బ్రేక్ ఇస్తుంది. ఇప్పటికే 60 శాతం షూటింగ్ పూర్తి చేశాం. త్వరలోనే నెక్ట్స్ షెడ్యూల్స్ మొదలుపెడతామని చెప్పారు.