Aamir Khan: బాలీవుడ్‌ మిస్టర్‌ పర్‌ఫెక్షనిస్ట్‌ అమీర్ ఖాన్ సాధారణంగా ఎంతో సింపుల్‌గా ఉంటారు. కానీ, అదే సమయంలో సినిమాల విషయంలో ఎమోషనల్‌గా మారిపోతారు. ఇటీవల జరిగిన 60 అండ్‌ నాట్‌ డన్‌ – ది స్క్రీన్‌ అండ్‌ స్పాట్‌లైట్‌ అనే సెషన్‌లో ఆయన కొన్ని ఆసక్తికరమైన విషయాలను పంచుకున్నారు.
ఫ్లాప్స్‌ నుంచి లెర్నింగ్…
అమీర్ ఖాన్ తన సినిమాలు ఆశించిన స్థాయిలో సక్సెస్‌ కాకపోతే దానిని తీవ్రమైన అనుభూతిగా భావిస్తారు. “ఒక సినిమా ఫ్లాప్‌ అయితే, దాని మీద ఎక్కువగా ఆలోచిస్తాను. మా చిత్రబృందంతో కలిసి తాము చేసిన పొరపాట్లు ఏమిటో విశ్లేషిస్తాను. ప్రేక్షకులు మనం చెప్పాలనుకున్నదాన్ని ఎలా స్వీకరించారు? వారు కోరుకునే అంశాలేమిటి? అన్న విషయాల్లో లోతుగా ఆలోచిస్తాను. తద్వారా భవిష్యత్తులో అలాంటి పొరపాట్లు మళ్లీ జరగకుండా చూసుకుంటాను,” అని అమీర్ అన్నారు.
తప్పుల్ని సరిదిద్దుకోవడమే విజయానికి మార్గం!
“మన తప్పుల్ని అర్థం చేసుకుంటే, మన తర్వాతి సినిమాల్లో అవే పొరపాట్లు మళ్లీ చేయకుండా జాగ్రత్త పడొచ్చు. అప్పుడు సెట్స్‌పై మరింత ఉత్సాహంగా పనిచేయగలను,” అంటూ అమీర్ ఖాన్ తన వర్క్‌ ఎథిక్స్‌ గురించి వివరించారు.
‘లాల్‌ సింగ్‌ చడ్డా’ & ‘థగ్స్‌ ఆఫ్ హిందుస్థాన్’ పై స్పందన
తాను నటించిన ‘లాల్‌ సింగ్‌ చడ్డా’, ‘థగ్స్‌ ఆఫ్ హిందుస్థాన్’ సినిమాల గురించి మాట్లాడుతూ, “నాకు ఈ చిత్రాల్లో నేను చక్కగా నటించాను అనిపించింది. కానీ, ప్రేక్షకుల నుంచి ఆశించిన స్పందన అందుకోలేకపోయాయి. అలాంటి క్లిష్టమైన కాలంలో నా కుటుంబం నా వెన్నంటే నిలిచింది,” అంటూ అమీర్ తన భావోద్వేగాలను వ్యక్తం చేశారు.
ఓ నటుడిగా తన ప్రయాణాన్ని ఎప్పుడూ ఒక లెర్నింగ్ ప్రాసెస్‌గా తీసుకుంటూ, కొత్త కొత్త విషయాలను గ్రహిస్తూ ముందుకు సాగుతున్న అమీర్ ఖాన్ నిజంగానే ఒక ఇన్‌స్పిరేషన్!