Brahma Anandam Theatrical Trailer: స్వధర్మ్ ఎంటర్టైన్మెంట్ బ్యానర్‌పై రూపొందించిన ‘బ్రహ్మా ఆనందం’ సినిమా ఫిబ్రవరి 14న రిలీజ్ అవుతోంది. ఈ చిత్రంలో పద్మశ్రీ అవార్డు గ్రహీత బ్రహ్మానందం మరియు అతని కుమారుడు రాజా గౌతమ్ ప్రధాన పాత్రల్లో నటించారు. ప్రియా వడ్లమాని, ఐశ్వర్య హోలక్కల్ కీలక పాత్రల్లో కనిపిస్తున్నారు. నూతన దర్శకుడు RVS నిఖిల్ దర్శకత్వంలో రూపొందిన ఈ చిత్రాన్ని విజయవంతమైన నిర్మాత రాహుల్ యాదవ్ నక్కా భారీ ఎత్తున నిర్మించారు.
సినిమా విడుదల తేదీ దగ్గర పడటంతో ప్రమోషన్ లో భాగంగా ఈరోజు Brahma Anandam Trailer ని బాక్సాఫీస్ స్టార్ అయిన ప్రభాస్ చేతుల మీదగా ఈరోజు విడుదల చేయడం జరిగింది.
కథ సారాంశం:
చిన్నప్పుడే తల్లిదండ్రులను కోల్పోయిన ఒక యువకుడు థియేటర్ ఆర్టిస్ట్ కావాలనుకుంటాడు. ఈ కోసం అతనికి కొంత డబ్బు అవసరం అవుతుంది. ఈ ప్రక్రియలో అతనికి ఒక ముసలి వ్యక్తి పరిచయమై, తన 6 ఎకరాల పొలం ఇస్తానని షరతు పెడతాడు. ఆ షరతు ఏమిటంటే, 10 రోజుల పాటు తన స్వార్థం కోసం మాత్రమే కాకుండా పక్కనున్న వారి కోసం కూడా ఆలోచించాలి. ఈ షరతు మరియు దాని తర్వాత జరిగిన సంఘటనలే సినిమా కథ.
ట్రైలర్ హైలైట్స్:
ట్రైలర్‌ను బట్టి, ఈ చిత్రం ఎమోషనల్ ఫ్యామిలీ డ్రామా అని స్పష్టమవుతోంది. రాజా గౌతమ్ డబ్బు కోసం పాటుపడే యువకుడి పాత్రలోనూ, బ్రహ్మానందం అతన్ని ఇబ్బంది పెట్టే తాత పాత్రలోనూ ఉత్తమంగా నటించారు. వెన్నెల కిషోర్ తన హాస్యప్రజ్ఞతో, సంపత్ రాజ్ తన క్యారెక్టరైజేషన్‌తో మెప్పించారు. హీరో లైఫ్‌లో లవ్ ట్రాక్ కూడా ఆసక్తిని కలిగిస్తోంది. దర్శకుడు నిఖిల్ ఎమోషనల్ సన్నివేశాలను, ఎంటర్టైన్మెంట్ ఎలిమెంట్స్‌ను కలిపి ప్రేక్షకులను ఆకట్టుకునేలా చిత్రాన్ని తీర్చిదిద్దారు.
సాంకేతిక బృందం:
సినిమాటోగ్రఫీ: మితేష్ పర్వతనేని
సంగీతం: శాండిల్య పిసాపాటి
ఎడిటింగ్: ప్రణీత్ కుమార్
ఆర్ట్ డైరెక్టర్: క్రాంతి ప్రియం
నటీనటులు:
రాజా గౌతమ్, బ్రహ్మానందం, వెన్నెల కిషోర్, ప్రియా వడ్లమాని, ఐశ్వర్య హోలక్కల్, రాజీవ్ కనకాల, సంపత్ రాజ్, రఘు బాబు, ప్రభాకర్, డివిజ్ ప్రభాకర్, దయానంద్ రెడ్డి మరియు ఇతరులు.