satellite and digital rights Chiranjeevi Sye Raa Teaser Review
Chiranjeevi Sye Raa Teaser Review

తెలుగు గడ్డకు చెందిన వీర విప్లవకారుడు “ఉయ్యాలవాడ నరసింహా రెడ్డి” జీవితం ఆధారంగా మెగాస్టార్‌ చిరంజీవి ప్రధాన పాత్రలో సురేందర్‌ రెడ్డి దర్శకత్వంలో రుపొందుతున్న ‘సైరా నరసింహారెడ్డి’ చిత్రం అక్టోబరు 2న గాంధీ జయంతి సందర్భంగా విడుదల కానుంది.

ఈ చిత్రం పై ఇప్పటికే భారీ అంచనాలు నెలకొన్నాయి. కాగా తాజాగా సినీ వర్గాల సమాచారం ప్రకారం ప్రముఖ టీవీ ఛానల్, జీ టీవీ ఈ చిత్రం యొక్క శాటిలైట్ అండ్ డిజిటల్ రైట్స్ ను 125 కోట్ల భారీ మొత్తానికి కొనుగోలు చేసినట్లు తెలుస్తోంది. ఇదిలా ఉండగా ఈ సినిమాకు సంబంధించిన ప్రీ రిలీజ్ వేడుక కోసం చిత్రబృందం ఇప్పటికే ఏర్పాట్లు కూడా చేస్తున్నారు. ఈ నెల 22న హైదరాబాద్ ఎల్బీ స్టేడియంలో ఈ వేడుకను ఘనంగా జరపనున్నారు. అయితే అదే రోజునే సైరా ట్రైలర్ ను కూడా విడుదల చేయబోతున్నట్టుగా దర్శకుడు సురేందర్ రెడ్డి స్వయంగా తెలియజేసిన విషయం తెలిసిందే.

ఇక టీజర్ ను చూసే ఊగిపోయిన అభిమానులు, ఇప్పుడు ట్రైలర్ కోసం ఎంతగానో ఎదురు చూస్తున్నారు. అయితే తాజాగా సినీ వర్గాల సమాచారం ప్రకారం ఈ ట్రైలర్ లో ఒక ఊహించని సర్ ప్రైజ్ కూడా ఉందట. అలాగే ట్రైలర్ లో అనుష్కకు సంబంధించిన షాట్స్ కూడా ఉన్నట్టు వార్తలు వినిపిస్తన్నాయి. ఈ చిత్రంలో అనుష్క ఝాన్సీ లక్ష్మీభాయ్ పాత్రలో నటిస్తున్న సంగతి తెలిసిందే. మరి ట్రైలర్ లో అనుష్క ఎలా ఉండబోతుందో చూడాలి. ఇక 5 భాషల్లో భారీ ఎత్తున విడుదలవుతున్న ఈ చిత్రం యొక్క హక్కులకు అన్ని భాషల్లోనూ డిమాండ్ అధికంగానే ఉంది. దీంతో ప్రీ రిలీజ్ బిజినెస్ విషయంలోనే పలు కొత్త రికార్డులు క్రియేట్ చేస్తున్నారు మెగాస్టార్.

పైగా ఇటీవలే విడుదలైన ఈ సినిమా టీజర్‌, సినిమా పై అమాంతం అంచనాలను పెంచేసింది. ఇక నిర్మాత రామ్ చరణ్ ఈ చిత్రాన్ని ఎక్కడా రాజీ పడకుండా అత్యంత ప్రతిష్టాత్మకంగా తెరకెక్కించారు. ఈ సినిమాలో సుదీప్, విజయ్ సేతుపతి, జగపతిబాబు, అనుష్క వంటి స్టార్ లు కూడా నటిస్తున్నారు. అందుకే సైరా కోసం తెలుగు ప్రేక్షకులే కాకుండా.. హిందీ, కన్నడ మరియు తమిళ ప్రేక్షకులు కూడా సినిమా పై ఎంతో ఆసక్తిగా ఉన్నారు. ఈ చిత్రంలో నయనతార కథానాయికగా నటిస్తుంది. రామ్ చరణ్ ఈ చిత్రాన్ని తెలుగుతో పాటు తమిళం, కన్నడ, హిందీ, మలయాళ భాషల్లో కూడా భారీ స్థాయిలో విడుదల చేయనున్నారు.