Director Vi Anand About Ravi Teja Disco Raja Movie
Director Vi Anand About Ravi Teja Disco Raja Movie

(Director Vi Anand About Ravi Teja Disco Raja Movie, Disco Raja latest movie updates)’నా దృష్టిలో కాన్సెప్ట్‌ చిత్రాలు, కమర్షియల్‌ చిత్రాలు వేరు కాదు. అది తప్పుడు అభిప్రాయం. కాన్సెప్ట్‌ని, కమర్షియల్‌ అంశాలను మేళవించి ఓ కొత్త రకమైన సినిమా తీసేందుకు ప్రయత్నించాను. ‘డిస్కోరాజా’ కూడా అలాంటి చిత్రమే అవుతుంది’ అని అంటున్నారు దర్శకులు వి.ఐ.ఆనంద్‌. రవితేజ, నభా నటేష్‌, పాయల్‌ రాజ్‌పుత్‌, తాన్యా హోప్‌ హీరోహీరోయిన్లుగా వి.ఐ.ఆనంద్‌ దర్శకత్వంలో రూపొందిన ‘డిస్కోరాజా’ చిత్రం రిపబ్లిక్‌ డేని పురస్కరించుకుని ఈ నెల 24న విడుదల కానుంది.

”సినిమాకు కాన్సెప్ట్‌ ముఖ్యం. హీరోని బట్టి కథను రాసుకోను. కాన్సెప్ట్‌ ప్రకారం హీరోను ఎన్నుకుంటాను. కాన్సెప్ట్‌ను కమర్షియల్‌ను బ్యాలెన్స్‌ చేసుకుని ‘డిస్కో రాజా’తో కొత్త ఎక్స్‌పీరియన్స్‌ ఇవ్వాలని ఈ సినిమా చేశాను. హాలీవుడ్‌ సినిమాలు చూసుకున్న కాన్సెప్ట్‌లో కూడా మంచి కమర్షియల్‌ ఉంటుంది. ఆ సినిమాలన్నీ పెద్ద హిట్‌ అయ్యాయి. రేపు సినిమా విడుదలయ్యాక ప్రేక్షకుడు మంచి అనుభూతికి గురవుతాడు” అని ‘డిస్కోరాజా’ దర్శకుడు వి.ఐ. ఆనంద్‌ అన్నారు.

నాకు చిన్నప్పటి నుండి సైన్స్‌ ఫిక్షన్‌ అంటే బాగా ఇంట్రస్ట్‌. ఒకవిధంగా సైన్స్‌ ఫిక్షన్‌ నా ఫేవరెట్‌ జోనర్‌ కూడా. ఇక ఈ ‘డిస్కో రాజా’ది పది సంవత్సరాల క్రితమే నా మైండ్‌లోకి వచ్చిన కాన్సెప్ట్‌. ఎప్పటి నుండో ఈ సినిమా కథకు సంబంధించి ఫుల్‌ డైటిల్స్‌ కోసం సెర్చ్‌ చేస్తూనే ఉన్నాను. అలా రీసెర్చ్‌ చేసి తీసిన సినిమా ఇది.

– ఇది దేనికీ స్ఫూర్తికాదు. పేపర్‌లో గత ఏడాది బయో కెమికల్‌ ల్యాబ్‌ గురించి ఒక ఆర్టికల్‌ చదివాను. ఆ ల్యాబ్‌ రీసెర్చ్‌ సక్సెస్‌ అయితే ఎలా ఉంటుందనే కోణంలో స్క్రిప్ట్‌ రాసుకున్నా. స్క్రిప్ట్‌ బాగా వచ్చింది. నేచురల్‌ సైన్స్‌ ఫిక్షన్‌ అయినా ఎక్కడా ఫోర్స్‌డ్‌ ఎలిమెంట్స్‌ కనిపించవు. ఫుల్‌ ఎంటర్‌టైన్‌మెంట్‌ ఉంది. ఆడియన్‌ కూడా ఎగ్జైట్‌ కావాలనే రవితేజగారు చెప్పారు. అన్నీ కథలో భాగంగా వస్తాయి. సినిమాలో మంచి హ్యూమర్‌తో పాటు అన్ని రకాల ఎమోషన్స్‌ సహజంగా ఉంటాయి.

– నా కెరీర్‌లో ‘ఎక్కడిపోతావు చిన్నదానా’, ‘టైగర్‌’ కంటే కూడా ఈ చిత్రం చాలా బిగ్గెస్ట్‌ బడ్జెట్‌ చిత్రం అని చెప్పాలి. ‘ఫాస్ట్‌ అండ్‌ ఫ్యూరియస్‌’ సినిమా క్రూ యాక్షన్‌ సీన్స్‌కి పని చేశారు. ఐస్‌లాండ్‌లో సీన్స్‌ చేయాలి. అక్కడ నిమిషనిమిషానికి ఉష్ణోగ్రతలు మారిపోతుంటాయి. అక్కడ ప్రత్యేకమైన కార్లు ఉపయోగించి చేయాల్సి వచ్చింది. 12 నిమిషాల నిడివితో క్రిష్టోఫర్‌ అద్భుతగా మలిచారు.

ఇది వేరే నటుడితో తీయాలనుకున్న కథ కాదు. ‘డిస్కో రాజా’ రాసేటప్పుడే రవితేజకు సెట్‌ అవుతుంది అన్న ఆలోచనతో రాశాను. ‘డిస్కోరాజా’ ఓ గ్యాంగ్‌స్టర్‌.. మ్యూజికల్‌ లవింగ్‌ క్యారెక్టర్‌ తనది. కథ ప్రకారం 1980 ప్రెజెన్స్‌ కావాలి. రవితేజ దానికి యాప్ట్‌. ఆయన నటన, డైలాగ్‌లు భిన్నంగా ఉంటాయి. ఒక సీన్‌లో గన్‌పెట్టి బులెట్స్‌ లోడ్‌ చేస్తే చాలు. కానీ ఆయన డైలాగ్‌ కూడా చెప్పేస్తారు. ఇలాంటివి ఆయనలోని ప్రత్యేకతలు.

రవితేజగారికి మొదటినుంచి కూడా డిస్కో అంటే చాలా ఇష్టమట. మిథున్‌ చక్రవర్తి నటించిన ‘డిస్కోడాన్సర్‌’లో ‘ఐయామే డిస్కోడాన్సర్‌’ అనే పాటకు చాలా కనెక్ట్‌ అయ్యారు. అందుకే క్యారెక్టర్‌లో ఇన్‌వాల్వ్‌ అయ్యి నటించారు.

సినిమా మొత్తం అంతా డిస్కోరాజాదే. ఇక టైటిల్‌కు వివరణ ఏమిటనేది మూవీలో చూడాల్సిందే. ఈ చిత్రానికి ప్రీ ప్రొడక్షన్‌ కోసం కాస్త ఎక్కువ రోజులు తీసుకున్నాం. ఐస్‌లాండ్‌ లొకేషన్‌లో వెళ్ళాకే అన్నీ పరిశీలించాం. ప్రతిదీ డిటైల్‌గా చేయాలని టైం తీసుకున్నాం. ఇందులో బాబీ సింహా పాత్ర బర్మాసేతుగా నటించారు. తను చెన్నైలో ఓ గ్యాంగ్‌ స్టర్‌. ‘జిగర్‌తాండా’లాగా భిన్నమైన పాత్ర.

రవితేజ దగ్గరకామెడీ, హరోయిజం, అన్నీ ఉన్నాయి. ప్రెజెంటేషన్‌ డిఫరెంట్‌గా ఉంటుంది. మాస్‌ ఎలిమెంట్స్‌ కామెడీ టైమింగ్‌ హీరో రవితేజ నుంచి ఒక ఆడియన్‌ ఏదైతే కోరుకుంటాడో అన్నీ ఇందులో కనిపిస్తాయి. కథలో ఏవిధంగా రావాలో అదే విధంగా వస్తాయి. ఏదీ ఫోర్స్‌డ్‌గా ఉండకూదని రవితేజ రూల్‌.

– ‘ఒక్కక్షణం’ చిత్రం దర్శకుడిగానాకు సంతృప్తినిచ్చింది. నిర్మాతకూ మంచి పేరు వచ్చింది. కానీ డిసెంబర్‌ 28న విడుదల కావడం రాంగ్‌ టైంగా తర్వాత భావించాం. ఆ సినిమా చూశాక ఇండిస్టీ పెద్దలు, విమర్శకులు కూడా బాగుందని మెచ్చుకున్నారు. నా తదుపరి ప్రాజెక్ట్‌ గీతా ఆర్ట్స్‌ బేనర్‌లో సినిమా చేయాలి. నిఖిల్‌తోనా? లేక వేరే ఎవరితోనైనా అన్న విషయం త్వరలో మీకే తెలుస్తుంది. ఇంకా భిన్నమైన జోనర్‌లో సినిమాలు చేయాలనుంది.

సినిమా ఇండిస్టీకి నేను కొత్త. కోర్సు కూడా చేయలేదు. బేసిగ్గా నేను ఆర్ట్కిటెక్‌ని. చెన్నరులో చదివాను. ధీసెస్‌లో భాగంగా ఫిలింసిటీని ఎంపిక చేసుకున్నాను. అక్కడ ఉండగానే ఇండిస్టీలోకి ప్రవేశం కలిగింది. తొలుత అసిస్టెంట్‌గా పనిచేశాను.

నేను దేవుడిని, దెయ్యాలను నమ్ముతాను. అలాగే ఎలియన్స్‌నూ నమ్ముతాను, సైన్స్‌, గాడ్‌ డిఫరెంట్‌ నేమ్స్‌. రెండిటినీ నమ్ముతాను సైన్స్‌లో ఎనర్జీ ఉంది. దాన్ని దేవుడు అనుకోవచ్చు. నాకు తెలిసి రవితేజలో టాప్‌ పెర్‌పార్మెన్స్‌లో ఇది ఒకటి. ఇంతవరకు ఈ పాత్ర చేయలేదు. ఇది నేను గర్వంగా చెబుతా..

ఈ చిత్రినికి సీక్వెల్‌ కూడా రెడీగా ఉంది. లైన్‌చెప్పాను.. ఈ ఫలితాన్ని బట్టి ఆ చిత్రం ప్లాన్‌ చేస్తాం. వెబ్‌ సిరీస్‌.. ఇలాంటి కథలు చేయవచ్చు. కానీ నాకు కమిట్‌మెంట్‌ ఉన్నాయి.