రామోజీ ఫిల్మ్ సిటీలో ‘సర్కారు వారి పాట' భారీ బ్యాంక్ సెట్ రెడీ !
రామోజీ ఫిల్మ్ సిటీలో ‘సర్కారు వారి పాట' భారీ బ్యాంక్ సెట్ రెడీ !

Mahesh Babu: Sarkaru vaari paata: మహేష్ బాబు – పరుశురామ్ దర్శకత్వంలో రానున్న సినిమా ‘సర్కారు వారి పాట’. కాగా తాజాగా సినీ వర్గాల సమాచారం ప్రకారం ఈ సినిమా సెట్ నిర్మాణం పూర్తయిందట. రామోజీ ఫిల్మ్ సిటీలో ఆర్ట్ డైరెక్టర్ తోట తరుణి ఆధ్వర్యంలో ప్రత్యేకమైన సెంట్రల్ బ్యాంక్ కి సంబంధించిన భారీ సెట్ ను నిర్మించారని.. ఈ సెట్ లో మహేష్ అండ్ విలన్ మధ్య ఓ కీలక సీన్ ను తీయనున్నారని తెలుస్తోంది. ఇక భారత బ్యాంకింగ్ రంగంలోని కుంభకోణాల చుట్టూ కథ సాగుతోందని.. మహేష్ ఒక బ్యాంక్ మేనేజర్ కొడుకు పాత్రను పోషిస్తున్నాడని.. వేలాది కోట్ల ఎగవేసిన ఓ బిజినెస్ మెన్ నుండి ఆ డబ్బు మొత్తాన్ని తిరిగి రాబట్టాడు అనేది మెయిన్ పాయింట్ అట.

అలాగే తన తండ్రి మీద పడ్డ ఆపవాదును ఎలా పోగొట్టాడనే ఎమోషనల్ ట్రాక్ కూడా ఉందని తెలుస్తోంది. అన్నిటికి మించి చాలా కాలం తర్వాత మహేష్ ఈ సినిమాలో లవర్ బాయ్‌ గా కనిపించబోతున్నాడు. ఈ లవర్ బాయ్ లుక్ కోసమే, మహేష్ తన హెయిర్ స్టైల్ ను కూడా కొత్తగా మార్చుకున్నాడు. ఇప్పటికే మహేష్ మార్చిన కొత్త లుక్ సోషల్ మీడియాలో బాగా వైరల్ అయిన సంగతి తెలిసిందే. కాగా మైత్రీ మూవీ మేకర్స్, జీ ఎమ్ బి ఎంటర్టైన్మెంట్ ,14 రీల్స్ ప్లస్ సంస్థలు ఈ మూవీని భారీ స్థాయిలో నిర్మిస్తున్నాయి. కరోనా లేకపోయి ఉండి ఉంటే.. ఈ పాటికే షూటింగ్ సగం పూర్తయిపోయేది.