Maa Oori Polimera-2 Teaser: ఒకప్పుడు క్షుద్ర పూజలు నేపథ్యంలో వచ్చే చిత్రాలు అంటే ప్రేక్షకులు ఎంతో భయపడేవారు. కానీ ఇప్పుడు చిన్న పెద్ద తేడా లేకుండా ఆద్యంతం మూవీని ఎంజాయ్ చేస్తూ చూస్తున్నారు. అందుకే ఇప్పుడు హారర్ స్టోరీస్ కు బాగా డిమాండ్ పెరిగిపోయింది. ఈ నేపథ్యంలో డిసెంబర్ 10 2021న డిస్నీ ప్లస్ హాట్ స్టార్ లో విడుదలైన మా ఊరి పొలిమేర చిత్రం ఒకటి.
Maa Oori Polimera-2 Teaser: ఎటువంటి అంచనాలు లేకుండా నేరుగా ఓటీటీ లో విడుదలైన ఈ చిత్రం మంచిగా ప్రేక్షకాదరణ పొందింది. ఈ మూవీకి సెకండ్ పార్ట్ ఉంటుంది అని మూవీ డైరెక్టర్ అనిల్ విశ్వనాథ్ ప్రకటించడం కూడా జరిగింది. క్షుద్ర పూజలతో ,మంత్రాలు తంత్రాల తో పాటు హాట్ బెడ్ రూమ్ సీన్స్ మరియు రొమాంటిక్ సన్నివేశాలతో ఉండే ఈ చిత్రం మంచి రెస్పాన్స్ సొంతం చేసుకుంది.
ఎండ్ కార్డ్ వరకు ప్రతి సన్నివేశం ఎంతో ఆసక్తిగా ట్విస్టులతో ఎంటర్టైనింగ్ గా సాగుతుంది ఈ చిత్రం. అయితే ఇప్పుడు ఈ మూవీకి సీక్వెల్ గా విడుదలవుతున్న చిత్రానికి సంబంధించిన టీజర్ ను శుక్రవారం నాడు రిలీజ్ చేశారు. ఫస్ట్ పార్టీ అనుకుంటే రాబోయే సెకండ్ పార్ట్ అంతకుమించి ఉంది అని టీజర్ చూస్తే అర్థమవుతుంది.
డిఫరెంట్ కథా మరియు కథనాలతో సాగే ఈ త్రిల్లర్ లో సత్యం రాజేష్, కామాక్షి భాస్కర్ల, బాలాదిత్య, గెటప్ శ్రీను, చిత్రం శ్రీను, రవి వర్మ తదితరులు నటించారు. ఈ మూవీ లాస్ట్ ఎండ్ కార్డ్ వరకు రోమాంచితంగా సాగుతుంది అనడంలో ఎటువంటి డౌట్ లేదు అని టీజర్ చూస్తే అర్థమవుతుంది. శుక్రవారం నాడు ‘మాఊరి పొలిమేర 2’ టీజర్ను మెగా ప్రిన్స్ వరుణ్ తేజ్ రిలీజ్ చేశారు.
ముఖ్యంగా టీజర్ చివరిలో క్షుద్ర పూజలు చేస్తూ తలపై రక్తం పోసుకుంటున్న సత్యం రాజేష్ క్యారెక్టర్ సన్నివేశం చూస్తే ఎవరికైనా గూస్ బంప్స్ కలగాల్సిందే. జూలై చివరిలో లేదా ఆగస్టులో ఈ చిత్రం విడుదల కానున్నట్లు చిత్ర యూనిట్ తెలిపారు. ఈసారి మూవీ లో హారర్ తో పాటు ఆక్షన్ మరియు కామెడీ సన్నివేశాలు కూడా ఉన్నాయి అన్న హింట్ టీజర్ లో ఇచ్చారు.