Vitamin She Telugu movie First look, Teaser, Release date, Cast Crew

‘పేపర్ బాయ్’ చిత్రంతో దర్శకుడిగా మంచి గుర్తింపు తెచ్చుకున్న జయశంకర్ మరో సినిమాతో ప్రేక్షకుల ముందుకు వచ్చేందుకు సిద్ధమవుతున్నారు. ఆర్టిఫిషియల్ ఇంటెలిజెన్స్ నేపథ్యంలో రూపొందించిన ఈ చిత్రానికి ‘విటమిన్ షి’ అని టైటిల్ పెట్టారు. షార్ట్ ఫిలిమ్స్, ఇండిపెండెంట్ ఫిల్మ్స్‌తో యూట్యూబ్‌లో ప్రాచుర్యం పొందిన శ్రీకాంత్ గుఱ్ఱం ఇందులో హీరోగా నటించారు. గుజరాతీలో రెండు సినిమాల్లో కథానాయికగా నటించిన ప్రాచి ఇందులో హీరోయిన్‌గా చేశారు. రంజిత్ రెడ్డి, వికాస్, మొయిన్, సంజీవ్ జోషి, అశోక్ కీలక పాత్రలు పోషించారు.ఫుల్ మూన్ మీడియా ప్రొడక్షన్స్ పతాకంపై రవి పోలిశెట్టి ఈ చిత్రాన్ని నిర్మించారు.

ఈ సినిమా గురించి దర్శకుడు జయశంకర్ మాట్లాడుతూ.. ‘‘ఆర్టిఫిషియల్ ఇంటెలిజెన్స్ అనేది మనుషుల జీవితాల్ని ఏ విధంగా ఆక్రమిస్తుందనేది ఈసినిమా మూల కథాంశం. మనకు సహాయకారిగా ఉంటుందనుకున్న ఈ ఆర్టిఫిషియల్ ఇంటెలిజెన్స్ చివరకు మనల్నే డామినేట్ చేసే పరిస్థితికి వచ్చేసింది. ఈ పరిస్థితుల్లో ఎలాంటి పరిణామాలు సంభవిస్తాయనేది సెటైరికల్‌గా ఈ సినిమాలో చూపించాం’’ అని చెప్పారు.

Paper Boy Director Jayashankarr New Movie Vitamin She Is Ready For Release

ఆర్టిఫిషియల్ ఇంటెలిజెన్స్ అనేది ఎంత టాప్ లెవెల్‌కి వెళ్లినా చివరకు మనుషుల్నే రీప్లేస్ చేసే స్థాయికి వచ్చినా కూడా మనుషుల ఎమోషన్స్‌ని రీప్లేస్ చేయడం మాత్రం వాటికి అసంభవం అని జయశంకర్ అభిప్రాయపడ్డారు. వీటన్నిటినీ ఫన్ మోడ్‌లో సినిమాలో చూపించామని చెప్పారు. ఈ సినిమాలో మొత్తం పన్నెండు పాత్రలు ఉంటాయని.. అయితే, ప్రధానంగా నాలుగు పాత్రల చుట్టూ మాత్రమే సినిమా తిరుగుతుందని అన్నారు. లాక్‌డౌన్ టైమ్‌లో సినిమా షూటింగ్ పూర్తిచేశామని.. స్టోరీ పరంగానే కాకుండా, టెక్నికల్‌గా కూడా హైస్టాండర్డ్స్‌లో సినిమా ఉంటుందని వెల్లడించారు.

Paper Boy Director Jayashankarr New Movie Vitamin She Is Ready For Release

ఇటీవలే ప్రముఖ దర్శకుడు క్రిష్ చేతుల మీదుగా ఫస్ట్ లుక్ పోస్టర్ విడుదల చేశామని, చాలా మంచి రెస్పాన్స్ వచ్చిందని జయశంకర్ అన్నారు. ఫస్ట్ కాపీతో సహా సినిమా మొత్తం రెడీగా ఉందని.. అతి త్వరలోనే విడుదల తేదీని ప్రకటిస్తామని తెలిపారు. ఈ సినిమాకు శివ ప్రసాద్ ఛాయాగ్రహణం అందించారు. పీవీఆర్ రాజు సంగీతం సమకూర్చారు. ఎల్ఎన్ స్టూడియోస్ ఎడిటింగ్ బాధ్యతలు నిర్వర్తించింది.