Rakul Preet Singh joins the shoot of Krish Vaishnav Tej movie in Vikarabad Forest

కరోనా కారణంగా చాలా రోజులుగా అంతా ఇంటికే పరిమితం అయిపోయారు. అయితే కొందరు మాత్రం ధైర్యం చేసి బయటికి వచ్చేసారు. అందులో హీరోయిన్ రకుల్ ప్రీత్ సింగ్ (Rakul Preet Singh) కూడా ఉంది. క్రిష్ (Krish) దర్శకత్వంలో ఈమె ఓ సినిమా చేస్తుంది. ఈ వెబ్ సిరీస్ కోసం మెగా మేనల్లుడు వైష్ణవ్ తేజ్‌తో (Vaishnav Tej ) వికారాబాద్ అడవుల్లో ఆడిపాడుతోందట.

క్రిష్ తెరకెక్కిస్తున్న ఈ మూవీ కోసం విమానాశ్రయం దిగగానే నేరుగా వికారాబాద్ వెళ్లిందట రకుల్. అక్కడే సీక్రెట్‌గా క్రిష్ తన సినిమా షూటింగ్ చేస్తున్నారట. దాదాపు వారం రోజుల పాటు ఈ షూట్ ఉండొచ్చని తెలుస్తోంది. సాయి ధరమ్ తేజ్ తమ్ముడు వైష్ణవ్ తేజ్ ఇందులో హీరో. ఈయన తొలి సినిమా ఉప్పెన ఇంకా విడుదల కాకముందే అప్పుడే రెండో సినిమా చేస్తున్నాడు ఈయన. అది కూడా క్రిష్ లాంటి దర్శకుడితో.సెప్టెంబర్ 1 నుంచే ఈ సినిమా షూటింగ్ మొదలైపోయింది. హీరో హీరోయిన్లు ఇద్దరూ షూట్‌లో పాల్గొన్నారని తెలుస్తుంది.

ఇందులో రకుల్ గ్లామర్ రోల్ పోషిస్తోందని టాక్. ఇకపోతే డైరెక్టర్ క్రిష్.. తన తదుపరి సినిమాను పవన్ కళ్యాణ్‌తో చేయనున్న సంగతి తెలిసిందే. అయితే ఇప్పుడు షూటింగ్స్ లేకపోవడంతో ఆ గ్యాప్ ఫిల్ చేస్తూ ఇంతలో వైష్ణవ్ తేజ్- రకుల్ వెబ్ సిరీస్ ఫినిష్ చేయాలని ప్లాన్ చేసిన క్రిష్ దాన్ని ఇలా అమలు చేస్తున్నారని సమాచారం.