tejaswi madiwada anveshi jain amit tiwari starring commitment teaser out now

Commitment Teaser: నాలుగు విభిన్న కథల సమాహారంగా బోల్డ్ కంటెంట్‌తో తెరకెక్కుతున్న సినిమా ‘కమిట్‌మెంట్’. కమిట్ మెంట్ అనేది కేవలం సినీపరిశ్రమకే కాదు.. అన్ని రంగాల్లోనూ ఉంటుందని చెప్పేందుకు డాక్టర్ల కమిట్ మెంట్ ఎపిసోడ్ ని జోడించినట్టు ఈ టీజర్ చెబుతోంది. తేజస్విని మదివాడ, అమిత్ తివారీ, అన్వేషి జైన్, తనిష్క్‌ రాజన్, అభి, సూర్య శ్రీనివాస్, రమ్య పసుపులేటి, సిమర్ సింగ్ ప్రధాన పాత్రల్లో నటించారు.

‘హైదరాబాద్ నవాబ్స్’, ‘నిన్న నేడు రేపు’, ‘కమీనా’ వంటి సినిమాలను తెరకెక్కించిన ల‌క్ష్మీకాంత్ చెన్నా దర్శకత్వం వహించారు. ఫూట్ లూస్ ఎంటర్టైన్మెంట్, ఎఫ్‌త్రీ ప్రొడక్షన్స్ బ్యానర్లపై బ‌ల్దేవ్‌ సింగ్‌, నీలిమ‌. టి సంయుక్తంగా నిర్మించారు. ఈ చిత్రానికి నరేష్ కుమరన్ సంగీతం అందించారు. పడక గది శృంగారాన్నీ తెరపై చూపించడానికి దర్శకులు మొగ్గు చూపిస్తున్నారు. ఓటీటీకి అమ్ముకునే ఛాన్సులు ఉండడంతో – హాట్ కంటెంట్ ఇంకాస్త ఎక్కువ అవుతోంది. `కమిట్‌మెంట్` టీజర్లోనూ అది కనిపించింది.

ఈ సినిమా టీజర్‌ను బుధవారం యూట్యూబ్‌ ద్వారా విడుదల చేశారు. తేజస్విని, అన్వేషి, రమ్య అందాల ప్రదర్శనలో రెచ్చిపోయారు. లిప్‌లాక్‌లు, రొమాన్స్ సన్నివేశాలతో టీజర్ నిండిపోయింది. `లైఫ్ పుట్టిందో సెక్స్‌తో అయినప్పుడు లైఫ్ ఇవ్వడానికి సెక్స్ అడిగితే తప్పేముంది? `ఏంటే.. ఈ లం*** కొడుకులూ.. ఆడది కనిపిస్తే కాంప్రమైజ్‌లూ, ..కమిట్‌మెంట్లు తప్ప ఇంకేమీ ఆలోచించరా’ అని తేజస్విని చెబుతున్న డైలాగ్‌ సినిమాపై అంచనాలను పెంచేలా కనిపిస్తోంది. ఆ ఒక్క పాత్రతో బోలెడంత ఎమోషన్ పెంచేశారు దర్శకుడు లక్ష్మీ కాంత్ చెన్నా. ‘కమిట్మెంట్’ అనే సున్నితమైన పాయింట్‌ను ఆడియన్స్‌కు రీచ్ అయ్యేలా బోల్డ్ కంటెంట్‌తో ఈ సినిమాను తెరకెక్కించినట్లు టీజర్ చూస్తేనే తెలుస్తోంది.. వివిధ రంగాల్లో మహిళలు ఎదుర్కొనే ఇబ్బందులను పలు కోణాల్లో చూపే ప్రయత్నం చేసినట్లు కనిపిస్తోంది.