December 2023 Movies releases: తెలుగు చిత్ర పరిశ్రమలో పోటీ అనేది కొత్త విషయం కాదు, ప్రతి పండగకి పెద్ద చిన్న సినిమాలు అది తేడా లేకుండా విడుదల చేస్తారు. అలాగే డిసెంబర్ నెలలో క్రిస్టమస్ అలాగే న్యూ ఇయర్ సెలవులు రావడంతో ప్రత్యేకంగా ఈ నెలని చాలామంది టార్గెట్ చేస్తూ ఉంటారు. చాలా సినిమాలు డేట్‌ని టార్గెట్ చేయడంతో ఈ ఏడాది డిసెంబర్ 2023 నెలలో భారీ పోటీ నెలకొంది. ప్రస్తుతానికి, సౌత్ ఇండియా మూవీస్ నుండి 8 సినిమాలు ఈ సంవత్సరం డిసెంబర్‌లో విడుదల తేదీలను ప్రకటించాయి.
December 2023 Movies releases: నాని, వెంకటేష్, రణబీర్ కపూర్, వరుణ్ తేజ్, ధనుష్, విశ్వక్ సేన్, సుధీర్ బాబు, నితిన్ వంటి హీరోలు తమ సినిమాలను ఈ డిసెంబర్‌లో విడుదల చేస్తున్నారు. రణబీర్ కపూర్, సందీప్ రెడ్డి వంగా కాంబినేషన్‌లో వచ్చిన యానిమల్ (Animal) చిత్రం డిసెంబర్ 1న విడుదల కానుంది. మెగా ప్రిన్స్ వరుణ్ తేజ్ యాక్షన్ థ్రిల్లర్ గా భారీ ఎత్తున రూపొందుతున్న ‘ఆపరేషన్ వాలెంటైన్’ డిసెంబర్ 8న విడుదల కానుంది.
విశ్వక్ సేన్ రూరల్ యాక్షన్ డ్రామా, గ్యాంగ్స్ ఆఫ్ గోదావరి కూడా డిసెంబర్ 8న విడుదల కానుంది. కోలీవుడ్ స్టార్ మరియు జాతీయ అవార్డు గెలుచుకున్న నటుడు ధనుష్ హైప్డ్ యాక్షన్ కెప్టెన్ మిల్లర్ (Captain Miller) డిసెంబర్ 15 న విడుదల కానుంది. ఆ తర్వాత నేచురల్ స్టార్ నాని ఎమోషనల్ డ్రామా హాయ్ నాన్న డిసెంబర్ 21న ప్రేక్షకుల ముందుకు రానుంది.
HIT సిరీస్ ఫేమ్ శైలేష్ కొలను దర్శకత్వంలో వెంకటేష్ నటిస్తున్న సైంధవ్ డిసెంబర్ 22న విడుదల కానుంది. సుధీర్ బాబు హరోమ్ హర డిసెంబర్ 22న విడుదల కానుండగా, నితిన్, వక్కంతం వంశీల ఎక్స్‌ట్రా ఆర్డినరీ మ్యాన్ డిసెంబర్ 23న విడుదల కానుంది.
మొత్తంమీద, 2023 డిసెంబర్‌లో కేవలం 3 వారాల గ్యాప్‌లో మొత్తం 8 సినిమాలు విడుదలవుతున్నాయి. అత్యంత ఆసక్తికరమైన విషయం ఏమిటంటే, అన్ని సినిమాలు ఒకదానికొకటి చాలా భిన్నంగా ఉంటాయి, అంటే సినిమా ప్రేమికులు థియేటర్లలో చూడటానికి వివిధ రకాల వినోదాలను కలిగి ఉంటారు.