విజయ్ దేవరకొండ లైగర్ ఫస్ట్‌లుక్‌ రిలీజ్‌

145
Vijay Deverakonda Liger First Look poster, Cast Crew, Release Date, Teaser, Trailer Date, shooting updates

ఇస్మార్ట్ శంకర్ తర్వాత పూరీ విజయ్ దేవరకొండతో చేస్తున్న సినిమాకు ఫైనల్ గా టైటిల్ లైగర్ అని ఫిక్స్ చేశారు. పూరీ మార్క్ మాస్ ఎంటర్టైనర్ గా ఈ సినిమా వస్తుందని తెలుస్తుంది. లైగర్ అంటూ సినిమా టైటిల్ అనౌన్స్ చేసింది చిత్ర యూనిట్‌. ఈ సినిమాలో విజయ్‌ దేవరకొండ బాక్సర్‌గా కనిపించనున్నాడు. అంతేకాకుండా పూరీ మార్క్‌ సాలా క్రాస్‌బ్రీడ్‌ అనేది ట్యాగ్ లైను పెట్టారు.

తెలుగులో తీసి తమిళ, హిందీ భాషల్లో రిలీజ్ చేస్తారనుకున్న ఈ సినిమా పూర్తిగా పాన్ ఇండియా రేంజ్ లోనే తెరకెక్కిస్తున్నట్టు పోస్టర్ చూస్తేనే తెలుస్తుంది. బాక్సింగ్‌ ప్రధానాంశంగా రూపుదిద్దుకుంటున్న ఈ సినిమా కోసం విజయ్‌ దేవరకొండ ఇప్పటికే మార్షల్‌ ఆర్ట్స్‌లో శిక్షణ తీసుకున్నారు. ఇందులో విజయ్‌ విభిన్నమైన లుక్‌లో కనిపించనున్నారు. ఈ సినిమా పోస్టర్ ను ట్విట్టర్ లో షేర్ చేస్తూ పాన్ ఇండియా సినిమా లైగర్.. పిచ్చెక్కించడం పక్కా అనేట్టుగా కామెంట్ చేశాడు.

విజయ్‌కు జంటగా బాలీవుడ్‌ నటి అనన్య పాండే ఈ చిత్రంలో సందడి చేయనున్నారు. ధర్మా ప్రొడెక్షన్స్‌, పూరీ కనెక్ట్స్‌ సంయుక్తంగా ఈ చిత్రాన్ని నిర్మిస్తున్నాయి. ప్రస్తుతం ఈ సినిమా ఫస్ట్‌లుక్‌ అభిమానులను ఎంతగానో ఆకట్టుకుంటుంది. విజయ్ దేవరకొండ సినిమా అంటే యూత్ ఆడియెన్స్ కు పండుగ అన్నట్టే. ఇక పూరీ డైరక్షన్ లో విజయ్ దేవరకొండ సినిమాగా వస్తున్న లైగర్ 100 పర్సెంట్ అంచనాలను అందుకుంటుందని చెప్పొచ్చు.